Les mots surlignés font l'objet d'une note
1Reçue à Grenoble, 18 mars 1573.
2Monseigneur, il vous a pleu de votre doulceur et santé accoustumée
3avoir loeil de pitié sur les paouvres habitans de ce lieu d'Estoiles, non seullement
4comme je massure, en consideration du prince et seigneur à qui ilz sont
5mays, pour les avoir tousjours trouvés soubz votre obeyssance, afectionés
6pour le service de sa majesté, que me faict monseigneur vous faire cette humble
7requeste avec eulx, continuer en cette bonne volunté, suyvant aussi lasseurance
8que mondict seigneur en ha assés descouverte par ses lettres que j'en ay n’aguères
9receues ; et si votre bon plaisir est les exempter de la contribution ordonnée
10par monsieur de Moydieu pour lentretènement de voz gens de guerre au camp
11à Loriol et magazin à Vallance, aussi de la garnison de votre compagnie
12dès hier receue, attendant sur ce votre bon plaisir et commandement ; et ce
13leur sera et à moy particulierement perpetuelle obligation de vous faire
14très humble service et plus de pouvoyr et moyen de supporter les charges ordinaires
15continues despuys la mort de monsieur ladmiral pour la garde de cest lieu
16sans ayde daultruy jusques icy, quilz desirent faire de plus fort au besoing
17quilz en ont ; sur ce, pour fin de cette, je prie le Createur
18Monseigneur, qui vous doint en parfaicte sancté très heureuse et
19longue vie. A Estoille, ce XVe mars
20Votre très humble et très obeyssant
21serviteur
22Colombat